Clemens ep[iscopu]s servus servor[um] Dei dilecto filio Johanni ex comitibus de Henneberg abbati monasterii Fulden[sis], ordinis sancti Benedicti, Herbipolen[sis] dioc[esis], Roman[orum] eccl[es]ie immediate subiecti, sal[u]t[em] ap[osto]licam ben[edictionem]. Sum[m]i dispositione rectoris ad regimen universalis eccl[es]ie assumpti, curis angimur assiduis et continua meditatione pulsamur, ut op[er]em et operam, quantu[m] nobis ex alto conceditur, efficaces impendamus, q[uo]d orbis eccl[es]ie et monasteria universa pastor[um] regiminibus destituta per n[ost]re providentie ministerium viris com[m]ittantur ydoneis, qui sciant, velint et valeant eccl[es]ias et monasteria ip[s]a, eis com[m]issa, salubriter regere et feliciter gubernare. Sane nuper monasterio Fulden[sis], ordinis sancti Benedicti, Herbipolen[sis] dioc[esis], Roman[orum] eccl[es]ie immediate subiecto, cui quonda[m] Hartmanus ip[s]ius monasterii abbas, dum viveret, presidebat, per obitum eiusde[m] Hartmani, qui extra Roman[orum] curiam diem clausit extremum, abbatis regimine destituto, dilecti filii conventus dicti monasterii, post diversos inter eos de eligendo futuro ip[s]ius monasterii abbate, qui eide[m] monasterio utiliter preesse ac eos necnon dilectos filios illius vassallos ab impiis tirannis, scismaticis et hereticis Lutheranis, quibus locus eiusde[m] monasterii circundatus dinoscitur, et a quibus gravia da[m]na per obsidionem sust[e!]ntuerant, tueri posset et vellet, habitos tractatus, pro celebranda electione futuri abbatis h[uius]mo[d]i die ad eligendum prefixa, ut moris est, convenientes in unum, te, monachum ip[s]ius monasterii, ordinem ip[su]m expresse professum, de nobili ac principum prosapia procreatum, in etate legitima constitutum et carissimo in [Christ]o filio n[ost]ro Carolo Roman[orum] imperatori semper augusto gratum et acceptum, in eor[um] et dicti monasterii, ut prefertur, vacantis abbatem via Spiritus Sancti concorditer elegerunt; tuq[ue] electioni h[uius]mo[d]i illius, tibi presentato decreto, consensysti, et deinde electionis huiusmodi negotium proponi fecisti in consistorio coram nobis, petens illam ap[osto]lica auctoritate co[n]firmari, in hiis om[ni]bus statutis a iure temporibus observatis. Nos igitur electionem predictam necnon ydoneitatem et merita persone tue examinari fecimus diligenter, et quia invenimus electionem ip[s]am de eade[m] persona tua, cui apud nos de religionis zelo, vite munditia, honestate mor[um], spiritualium providentia et temporalium circunspectione aliisq[ue] multiplicum virtutum donis fidedigna testimonia perhibentur, fuisse canonice celebratam, illam de fratrum n[ost]ror[um] consilio auctoritate predicta approbamus et confirmamus, teq[ue] eide[m] monasterio in abbatem preficimus et pastorem, curam, regimen et administratione[m] ip[s]ius monasterii tibi in spiritualibus et temporalibus plenarie com[m]ittendo, firma spe fiduciaq[ue] conceptis, q[uo]d, dextera Domini tibi assistente, propitia monasterium predictum per tue circunspectionis industriam et studium fructuosum regetur, utiliter et prospere dirigetur ac grata in eisdem spiritualibus et temporalibus suscipiet incrementa. Quocirca discretioni tue per ap[osto]lica scripta mandamus, quatinus, impositum tibi a Domino onus regiminis et administrationis predictor[um] prompta devotione suscipiens, curam, regimen et administrationem, h[uius]mo[d]i sic sollicite geras et fideliter prosequaris, q[uo]d per tue diligentie laudabile studium monasterium ip[su]m gubernatori provido et fructuoso administratori gaudeat se com[m]issum, tuq[ue], preter eterne retributionis premium, n[ost]ram et ap[osto]lice sedis benedictionem et gratiam exinde uberius consequi merearis. Dat[um]
Rome apud Sanctu[m] Petru[m] anno incarnationis Dominice millesimo quingentesimo trigesimo secundo, decimo k[a]l[endas] Septembr[is], pontificatus n[o]st[ri] anno nono.
