[Bl. 1r]

[Nr.] 86

Ihesus.

Salutem. Mitto Hutteni literas ad me datas cum bulla aliisq[ue] euisd[em] opusculis, mi Spalatine, e[t] om[n]ia, que vides, literas q[uoque] Buceri, quaru[m] vne mihi reddite sunt lese, ut cernis, forte attritu quoda[m] nu[n]ciorum. Assertio mea latina ad te missa prius aliquot quaternionibus nunc tota venit cum supplemento. Tu ne iudices eam asperam. Vernacula erit planior e[t] simplicior. Nec[ess]e fuit latinis stomachis aliquid interspergere salsamenti. Emser in me surrexit, Dominus consiliarius mihi esto. Quid Huttenus petat, vides. Nollem vi e[t] cede pro eva[n]gelio certari; ita scripsi ad hominem. Verbo victus est mu[n]dus, seruata est ecc[lesi]a, etia[m] verbo reparabitur. Sed e[t] antichristus, ut sine manu cepit, ita sine manu conteretur per verbum. Mitto et[i]a[m] ep[ist]ol[am] mea[m] ad principem. Cum dolore legi nouissimas Caroli literas reuocatorias prioris instituti. Quid, queso, illic spei esse protest, quu[m] sic e[t] sapient e[t] scribant? Fiat voluntas Domini. Fui hodie visus Marchioni Brand[enburgensi] e[t] sociis principibus vocatus e[t] collocutus. Videre e[ni]m hom[inem] voluerunt. Centenar[iu]m aureoru[m] mihi delegatum accepi per Taubenheymiu[m] . Sed e[t] Scharttus 50 dedit, ut ego metuere incipiam, ne me Deus hic premiet, sed protestatus sum me nolle sic satiari ab eo, aut statim reddam e[t] profundam. Quid e[ni]m mihi e[t] tante pecunie? P. priori dedi medium e[t] hom[inem] letum feci. Princeps iunior secundo ad me scripsit gratiose indica[n]s patrui sui principis nostri electoris responsum super mea causa. Enarrationes ep[is]t[ol]arum e[t] eva[n]geliorum typis date sunt. Has sub nostri principis nomi[n]e exire iubebo, nisi tu aliud consulueris; nam tres sexterniones excuse sunt, primo adhuc dilato. Doktor Henningus p[rae]positus decu[m]bit desperata resurgendi virtute. Item Tilo Denen patitur. D[o]mi[nus] consulat eis. Alia non sunt nisi solita. Vale Vittemberge die S. Marcelli pape martyris 1521.

Martinus Luther.

Augus[tinianus].