stat und was vol tůginde. Einis tagis, do he messin sang, do quam

   ein tůbe von deme hiemile uf sin houbit an allir lůte angesichte. Und

   also von sime houbite uf ein grab. Do vorchtin die lůte, daz he sterbin

   scholde. Und die andirin, daz iz were ein zeichin, daz hie were ein

   betehus des heiligin geistis.

   Bildbeschreibung:

   1. Der Knabe Paulinus wird von einem Schergen geschlagen.

   2. Die Enthauptung des Archadius, Paschasius, Probus und Euticianus.

   13. November

   B. Idus. Novembris.

   Zů Ravenna sanctorum Valentini , Solutoris , Victoris . Die wurdin

   gemartiret.

   Und sancti Leonianis , der was ein bichter.

   Und sancte Aldegundis , die was magit.

   Und sancti Briccij . Der was bischof und bichter und bot sancto Martino

   manich lastir an sinir kintheit. Einis tagis quam ein siechir und

   suchte sanctum Martinum. Do sprach sanctus Briccius zů im: „Sůchistů

   den tuttindin aldin man, do sich uf abir, wand he siet den hiemil an

   als ein unsinnigir.“ Do der arme entpfangin hatte, des he bat und hiene

   gieng, do sprach he [Martin] zů sancto Briccio: „Dunke ich dich ein

   tuttindir?“ Do antworte he, in hette is nicht gesprochin. Do sprach he:

   „Mine orin warin an der tůr, do dů iz spreche. Und ich sagez die

   vorwar, daz ich des hůlfin habe von gote, daz dů na mie bischof wesin

   schalt. Und daz schaltů wizzin, daz dů an dinim bischtum vil lidin

   mus.“ Und daz geschaz in deme drizigistin iare sinis bischtůmis. Do

   gewan ein vrouwe ein kint. Und daz wurfin sie alle uf in und woldin in

   steinin. Also liez he im brengin daz kint (und daz was drizig tage alt)

   und sprach zů im: „Ich beswere dich bi gote, ob ich din vatir si, daz

   dů daz vor allen lůtin offembar segis!“ Also sprach daz kint: „Důne

   bist min vatir nicht!“ Und bůrninde kolin trug he in sime cleide und

   warf sie vor sente Mertinis grab und sin cleit bleib