gesnietin und die obirstin zene zu gebrochin. Und zů lestin wurdin sie gebrant.

   Und sancti Venzislai , der wart gemartiret.

   Und sancti Iusti , der was ein priestir und bichter.

   Bildbeschreibung:

   1. Einem Märtyrer wird die Nase abgeschnitten. Das Bild bezieht sich

   auf das Martyrium von Faustus, Januarius und Martial.

   2. Das Feuermartyrium des Faustus, Januarius und Martial. Exemplarisch

   wurde ein einziger Heiliger dargestellt.

   29. September

   F. iij. Kl. Octobris.

   An dieseme tage is gehůgnisse sancti Michaelis und allir engile . An

   deme Gargano is gewiet die kyrche in sente Michaelis ere, die an grozir

   unreinicheit was und nů in grozin ere von gotis lobe. Sente Michael der

   stifte selbe und wiete sie. Daz offembarte got alsus. Ein rich man was

   in der stat, der hiez Garganus. Und so heizit der berg ouch Garganus,

   wend he in vant. Do he sin vie an die weide brachte, do quam ein ochse

   uf den berg. Do erzůrnitin sine lůte und der eine wolde in schiezin.

   Und daz schoz quam wieder zů im und slůg in. Also sazte der bischof dri

   tage vaste, daz got iz offembarin wolde, waz daz were. Also quam sente

   Michael und kůndigite im alliz, wie he die stat erkorn hette und selbe

   gestiftet und wie he wolde mit allin engilin in helfin vechtin wiedir

   die heidin, die die stat bewollin mit iren abgotin. Und also sahin sie

   die engile mit in vechtin an bliczin. Und an diesime tage wiete he

   selbe die kyrchin.

   Bildbeschreibung:

   Die vom Erzengel Michael gestiftete und geweihte Kirche auf dem Berg

   Garganus, flankiert von zwei Engeln.

   30. September

   G. ij. Kl. Octobris.

   Sanctorum Victoris und Ursi . Die warin