10. Juli

   B. vj. Idus. Julij.

   Zů Rome der siebin brudire, sancte Felicitatis kindir : Januarii ,

   Felicis , Philippi , Silvani , Alexandri , Vitalis et Martialis .

   Sancta Felicitas die wart mit in gevangit und sere wurdin sie

   gepiniget. Januarius der wart na manigin pinin zů lestin in deme kerker

   mit blien kůlin getotit. Felix und Philippus mit knůttilin getotit.

   Silvanus der wart geworfin von einim berge. Und Alexander und Vitalis

   und Martialis die wurdin enthoubit.

   Zů Affrica sanctorum Januarii , Marini , Naboris und Felicis . Die

   wurdin enthoubit.

   Zů Rome sanctarum Rufine und Secunde . Die warin swestire. Do man

   Secundam mit geislin slug, do sprach Rufina: „Waz ist, daz dů tust, daz

   dů mine sustir eris und mich is ůbirich les? Ich bin kirstin als min

   swestir! Iz ist billich, daz wie zů samine geslagin werdin.“ Also

   wurdin sie in eine finstire stat beslozzin, da der stank von miste

   gemachit wart. Und do wart der stank zů gůtime ruche als tymiame und

   daz vinstirnisse zů liechte. Und dar na wurdin sie in ein bat von

   siedindim olei beslozzin. Daz wart kalt. Dar na wurdin sie in daz

   wazzir geworfin und ein stein zů irre beidir halse gebundin. Und na

   einir halbin stunde nackit in daz wazzir geworfin, do sazin sie mit

   trůgin cleidirin uf dem wazzire und lobitin gott. Und zů lestin wurdin

   sie enthoubit.

   Bildbeschreibung:

   1. Januarius, einer von Felicitas’ Söhnen, wird im Kerker mit bleiernen

   Keulen erschlagen.

   2. Der Märtyrertod von Felicitas’ Söhnen Felix und Philippus durch

   Erschlagung mit Knüppeln, wobei (stellvertretend für zwei) nur einer

   der Brüder dargestellt ist.

   3. Felicitas’ Sohn Silvanus wird von einem Berg herunter gestoßen.

   11. Juli

   C. v. Idus. Julij.

   Sente Benedictus , der wart zů Gallia begrabin. Also he vor gesaget

   hatte, daz sin munstir scholde zů storit werdin von den heidin. Und

   sinin lichamin und sine swester sanctam Scolasticam offembarte got. Und

   wurdin mit grozin erin begra