gin sinin holdin und die eritin sie.

   Bildbeschreibung:

   1. Die Enthauptung des heiligen Procopius.

   2. Kilian (als tonsurierter Geistlicher) tauft den von ihm bekehrten

   Herzog.

   9. Juli

   A. vij. Idus. Julij.

   Zů Rome sancti Zenonis und andir zen tusint und zwei hundirt und dri .

   Und sanctorum Anatholie und Audathis . Do Anatholia vil siechir und

   bevanginir gesunt hatte gemachit, do wart sie begriffin und mit manigin

   pinen gemartiret und mit einir slangin aleine des nachtis beslozzin.

   Und die enschadite ir nicht. Den selbin, der die slange zů ir brachte,

   den bekarte sie. Und der wart in den kerker bracht und darna in daz

   enlende gesant. Und die magit wart mit eime swerte durch die site

   gestochin, daz irz zů der lerzin sitin uz gieng. Also quam sie zů gote.

   Und sancti Cirilli , der was bischof und wart in daz fůr geworfin. Daz

   enschadite im nicht. Und darna enthoubit.

   Und sancti Briccij , der was bischof. Des munt wart mit steinin zů

   slagin. Und da na [wart he] gehangin und sere gepinigit. Und darna in

   den kerker bracht. Und des nachtis wart die ertbiebunge. Und der

   richter Marcianus geslagin und andir vil. Und he wart von dem engile

   und von sancto Petro getrost und gesterkit und bekarte vil volkis. Und

   quam zů gote. Und sine sele sagin sie in einir wizin tůbin glichnisse

   in den hiemil entpfan.

   Und sancti Serapionis , der was bischof.

   Und sancti Effrem[i] .

   Und sanctarum Floriane , Faustine und Felicitatis . Die warin megide.

   Bildbeschreibung:

   1. Die heilige Anatholia wird nachts im Kerker mit einer Schlange

   eingeschlossen.

   2. Anatholia wird mit einem Schwert erstochen.