30. Mai

   C. iij. kal. Junij.

   Zů Rome sancti Felicis . Der was pabist und wart gemartiret.

   Und ouch sanctorum Gabiani und Crispuli . Die wurdin ouch gemartiret.

   Bildbeschreibung:

   1. Das Martyrium des Papstes Felix I. Er wird mit einer Keule

   geschlagen.

   2. Die heiligen Gabianus und Crispulus werden von einem Schergen

   erschlagen.

   31. Mai

   D. ij. kal. Junij.

   Zů Rome sancte Petronelle , die was ein magit und sente Petrus tochtir.

   Einis tagis do sprach Titus zů sente Petro: „So, also manige durch dich

   gesunt werdin, worůmme lezis tů Petronellam nicht ouch gesunt werdin?“

   Do sprach he: „Iz ist ir gůt. Iedoch, daz ie [n]ich[t] wenit, daz ich

   is nicht getun můge, [so befehle ich ihr, daß sie aufsteht und uns

   dient.]“ Do gebot he ir, daz sie uf stůnde und en denite [=ihnen

   diente]. Do sie daz getan hatte, do hiez he sie wieder ge in daz bette.

   Also was sie vil volkůmin an gotis vorchte und an siner liebe. Wand sie

   vil schone was, do quam zů ir der greve Flaccus mit rittirin und wolde

   sie nemin zů einir brut. Do bat sie vrist dri tage und was in irim

   gebete und got entpfieng ire sele.

   Und ouch sanctorum Cancij , Canciani und Cancianille . Die warin

   gebrůdire und wurdin enthoubit. Und andir siebine mit in.

   Bildbeschreibung:

   1. Die einseitig gelähmte Jungfrau Petronella (Petronilla) im Bett

   liegend.

   2. Die Enthauptung von Cancius, Cancianus und Cancianilla.