18. November

   G. xiiij. Kl. Decembris.

   Zů Antyochia sancti Romani . Der manite die kirstin, daz sie stete

   werin an irme geloubin und des keyseris pine nicht envorchtin. Also

   wart he begriffin und gebundin zů gerichte bracht und an ein holtz

   gehangin und da mit blien kůlin geslagin und mit knůttilin. Darna

   wurdin im die wangin gevillit. Also wart ein wening kint von sime

   gebete bracht. Und do rief he got an und vragite daz kint: „We dir

   bezzir were: ein got an zů betene odir vil gote?“ Do sprach daz kint:

   „In einin got scholde man geloubin!“ Do erzůrnte sich der richter und

   liez das kint hengin und mit kethinin slan und zů lestin enthoubitin.

   Dar na wart sanctus Romanus abir gehangin und mit neilin alzů rizzin

   und in ein groz vůr geworfin. Do quam ein slagerein und leschte daz

   vůr. Darna wart im die zunge ab gesnietin. Also lobite he got mit

   clarir stimme. Dar na [wart he] in den kerker [geworfin], zů lestin

   erworgit an deme galgin.

   Und sancti Esitij . Do he was rittir und hatte von deme keysire gehort,

   swelch mensche den abgotin nicht opfirin wolde, daz der sinen

   rittirlichen gůrtil losin scholde. Und daz tet he alzůhant. Darůmme

   wart he mit manigin pinen gemartiret. Zů lestin wart im ein stein an

   den rechtin arm gebundin und also in daz wazzir geworfin.

   Und sancti Frigidiani confessoris.

   Bildbeschreibung:

   1. Der heilige Romanus hängt an einem Holzbalken und wird von einem

   Schergen mit einer bleiernen Keule geschlagen.

   2. Der Tod des heiligen Esitius (Hesychios) durch Ertrinken. Der

   Märtyrer ist entblößt, mit gefesselten Händen und einem Stein am Hals

   dargestellt. Das Wasser, in dem der Heilige ertränkt wurde, ist nicht

   abgebildet.

   19. November

   A. xiij. Kl. Decembris.

   Zů Rome sancti Gelasij . Der was pabist drů iar und achte manden und

   achzen tage.

   Zů Vienna sanctorum Severini , Exuperij und Feliciani . Die wurdin

   gemartiret durch got. Und na manigin iarin wart ir licham vundin, daz

   sie sich selbe offembartin. Und von deme bischove und von den herrin

   und von deme volke