4. Oktober

   D. iiij. Nonas. Octobris.

   Zů Chorintum sanctorum Crispi und Gaij .

   Und zů Egypto sanctorum Marci und Marcelliani , die warin brůdire. Und

   mit in unzellich schar wart gemartiret: man und wib, alde und kindir.

   Na manigin pinin wurdin sůmeliche gebrant und sůmeliche in daz mer

   gesenkit, und die andirin enthoubit und die andirin gecrůciget, und die

   andirin hungiris gesterbit und die andirin mit deme houbite in daz mer

   gesenkit. Also quamin sie zů gote.

   Und sancti Marsi , der was ein priestir und bichter.

   Und sancti Francisci , der vatir was der minnirbrůdire. Mit deme got

   vil getan hat und he ouch vil durch got geliedin und getan hat. Und he

   empredigite nicht aleine gotis lob den lůtin, sundir ouch den vogilin.

   Und alle die creaturen ladite he zů gotis lobe. Und he hatte in sime

   libe vunf wundin.

   Bildbeschreibung:

   1. Die Vogelpredigt des heiligen Franziskus.

   2. Die Erscheinung eines gekreuzigten Seraphs auf dem Alverna-Berg und

   die Stigmatisation des heiligen Franziskus.

   5. Oktober

   E. iij. Nonas. Octobris.

   Sancti Appollinaris . Der was bischof und sin lebin was vol tůginde.

   Und sanctorum Placidi und Euthitij und andir drizig .

   Und sancti Trasee , der was bischof und he wart gemartiret durch gotis

   liebe.

   Und sancti Meinulfi , der was ein bichter.

   Bildbeschreibung:

   1. Der heilige Bischof Appollinaris von Valence.

   2. Eine Heiligengruppe hinter einer Zinnenmauer. Das Bild bezieht sich

   auf die im Text erwähnten Heiligen Placidus, Euthitius und die „anderen

   dreißig“.

   3. Bischof Traseas wird mit einer Lanze erstochen.

   6. Oktober

   F. ij. Nonas. Octobris.

   Sancte Fidis , die was ein magit. Und von irime gůtin bilde wart

   sanctus Caprasius zů der martyre gesterkit.

   Und sancti Sagaris , der was ein bischof und he wart gemartiret.